Díli,16/06/2025

Bazeia ba keixa ne’ebé espalla iha media social kona ba poluisaun suar ne’ebé halao husi Hospital Nasional Guido Valadares (HNGV), ne’ebé fo afeta negative ba saude no ambiente ba iha komunidade sira ne’ebé hela besik. Ho nune’e ekipa konjunta entre Autoridade Nasional Lisensiamentu Ambiental(ANLA.IP), ne’ebé lidera husi Xefe ekipa Ser. Maximiano Gama no Direksaun Nasional ba Kontrolu Poluisaun Sr. Moises Guterres de Sár, hamutuk hodi halo inspeksaun ho objetivu identifika komponente ambientais ne’ebé hetan afeita no estragus iha terenu.

Huhsi ambitu inspeksaun refere ekipa konjunta observa no identifika katak problema poluisaunar ida ne’e, hala’o husi atividade incinerator(sunu lixu médiku perigozu). No dadaun ne’e ekipamentu ladu’un sufisiente ona.

Alem de ida ne’e, Xefe departamentu saude ambiental HNGV Sr. Francisco de Sousa, rekonhese katak poluisaun suar ne’ebé mosu husi makina incinerator refere. Tamba falta kontrolu husi pesoal tekniku ne’ebé toma responsavel ba atividade makina incinerator la tuir orariu ne’ebé determinadu ona no ikus rezulta implikasaun ba saude komunidade sira ne’ebé hela besik. Parte seluk Xefe departamnetu mos akresenta katak iha fulan oin parte HNGV sei instala mos makina incinerator foun no avansadu hodi reduz poluisaun suar no impaktu negative ba ambiente iha future.