Dili, 08 de Maio 2026 – Diretor Geral Ambiente interino, Representante Koordenador Geral Ambiente, diresaun tekniku tutelado servisu hamutuk ho Gabinete Fronteira Marítima no Autoridade Munisipal realiza aktividade kampaña konsensializasaun ba publika ligado ho ekonomia azul ho tema “Hau Nia Tasi Hau Nia Timor”

Objetivu husi kampaña ida ne’e atu promove no hasae koñesimento komunidade no estudante sira nian, hodi bele halo protesaun no konservasaun ekosistema iha area kosteira no rekursu tasi nian liu husi prevene ka minimiza aktu negativo sira hodi garantia dezenvolvimento sustentavel iha Timor Leste.

Iha surumuto ba kampaña nasional ida ne’e Diretor Geral do Ambiente Interino Sr. Flamino Maria E. Xavier, realsa konaba servisu Diresaun Geral do Ambiente nebe implementa aktividade kamapaña Nasional HTHT sei kolia konaba ekonomia Azul, liu-liu iha halo protesaun no konservasaun ba rekursu sira iha tasi ibun no tasi laran. Nebe Diretor Geral Interino husu ba estudante no partisipantes atu partisipa maximu aproveita rona informasaun sira nebe sei partilha husi orador prinsipal.

Orador prinsipal iha Kampaña Nasional “Hau Nia Tasi Hau Nia Timor” iha Munisipio Lauten mak hanesan Gabinete Fronteira Maritima e terrestre konaba apresenta material konaba “Ekonomia Azul”, Diresaun Geral do Ambiente “Mudansa Klimatika”, Diresaun Nasional Inspesaun das Pescas “Hari area marina protejida hodi promove Turismo no proteje kultura ba rendimento sustentavel” no Diresaun Nasional Centro Edukasaun Informsaun Ambiental “Edukasaun Ambiental”

Sensiabilizasaun ba kampaña Nasional “Hau Niatasi Hau Nia Timor” ne’e hetan partisipasaun maximu husi Estrutura Ambiente-MTA mak hanesan Diretor Geral Ambiente Interino, representante Koordenador Geral Ambiente, presidente Autoridade nebe representa husi APA Lautém, Diretor DNB, Diretor Nasional Inpesaun das Peskas, Diresaun Nacional CEIA, Autoridade Lokal, Komunidade, Proferssor no Estudante sira husi eskona Sekundari Nino Konis Santana Lautém.

Aktividade ne’e realiza iha Salaun Enkontro Eskola Nino Konis Sanatana Lautém.

#lastpost