Dili, 12 Maiu 2026 – Ministériu Turizmu no Ambiente (MTA), liu husi Diresaun Jerál Ambiente (DJA), realiza ona Seremónia Lansamentu ofisiál ba Rezultadu Avaliasaun Vulnerabilidade Integradu (IVA) no Relatóriu Anuál Ambiente (RAA) 2025, Terça-feira ne'e, iha CCD - Sala Pavilaun 1, Merkadu Lama, Dili.

Seremónia ne'e hetan partisipasaun direta husi Koordenadór Jerál Ambiente, Sr. Alves Gomes Matins, ne'ebé reprezenta Vise-Primeiru-Ministru, Ministru Kordenador ba Asuntu Ekonómiku no Ministru Turizmu no Ambiente, hamutuk ho diretór jerál Ambiente, diretór nasionál Ambiente, Presidente ATTL. IP, Presidente ANLA. IP, Presidente BTL. IP, no reprezentante Korpo Diplomatiku parseiru dezenvolvimentu sira

Iha nia diskursu abertura, Koordenadór Jerál Ambiente subliña katak Rezultadu IVA identifika ona dadus no Avalia total Suku 112 ne’ebé kobre husi Posto Administrativu 57 iha territóriu laran tomak, tama iha kategoria "Vulneravel Tebes" ka "Vulneravel" ba impaktu mudansa klimátika, ho ameasa prinsipál ba setór agrikultura, bee-moos, no infraestrutura kosteira.

Dadus hirak ne’e aborsi interdependénsia entre espozisaun klimátika" sensibilidade ekosistema no kapasidade adaptiva komunidade sira. “hatete Koordenadór Jerál Ambiente Sr, Alves Gomes Martins.”

Iha parte seluk Relatóriu Anuál Ambiente 2025 refleta progresu sira ne’ebé konsege atinji ona liu husi kordenasaun Inter-Instituisionál ne’ebé efikás. Durante tinan Ida liubá, ita nia esforsu foka Ona ba Pilar estratéjiku foun sira, Hanesan” Operasionalizasaun ba ekonomis azúl nu’udar motór ba diversifikasaun ekonómika no kuprimentu ba Ita nia komprimisu internasionál sira iha ámbitu kontribuisaun Determinada Nasional (NDC).

Relatório ne’e Mak prova katak, ho transparénsia no rigor tékniku, bele transforma dezafiu sira sai nu’udar oportunidade ba dezenvolvimento sustentável ba Ita nia Rai ne’ebé forte no reziliente liu.

Seremónia ne'e taka ho entrega Official relatorio Anuál 2025 no rezultadu IVA ba liña Ministeriál relavante sira