#Latepost

Dili, 22 de Junho 2026 – Diretor Geral Ambiente, Representante Koordenador Geral Ambiente, diresaun tekniku tutelado Ambiente servisu hamutuk ho Gabinete Fronteira Marítima no Autoridade Munisipal Viqueque realiza aktividade kampaña konsensializasaun ba publika ligado ho ekonomia azul ho tema “Hau Nia Tasi Hau Nia Timor”

Objetivu husi kampaña ida ne’e atu promove no hasae koñesimento komunidade no estudante sira nian, hodi bele halo protesaun no konservasaun ekosistema iha area kosteira no rekursu tasi nian liu husi prevene ka minimiza aktu negativo sira hodi garantia dezenvolvimento sustentavel iha Timor Leste. Iha surumuto ba kampaña nasional ida ne’e Diretor Geral do Ambiente Sr. Domingos Mesquita, realsa konaba servisu Diresaun Geral do Ambiente nebe implementa aktividade kamapaña Nasional HTHT sei kolia konaba ekonomia Azul, no Mundansa Klimatika, liu-liu halo protesaun no konservasaun ba rekursu espies no ekosistema sira iha tasi ibun e tasi laran.

Orador prinsipal iha Kampaña Nasional “Hau Nia Tasi Hau Nia Timor” iha Munisipio Viqueque, Posto Administrativo Uatu – Carbau maka Diretor Geral apresenta materia konaba “Politika Economia Azul” no “Alterasaun Mudansa Klimatika” no Diresaun Nasional Kontrolo Poluisaun “ Jestaun ba Lixu” no Diresaun Nasional Biodiversidade “ Protesaun no Konservasaun Biodiversidade”.

Sensiabilizasaun ba kampaña Nasional “Hau Niatasi Hau Nia Timor” ne’e hetan partisipasaun maximu husi Estrutura Ambiente-MTA mak hanesan Diretor Geral Ambiente, representante Koordenador Geral Ambiente, presidente Autoridade nebe representa husi APA Uatu - Carbau, Xefe Departamento DNB, Autoridade Lokal, Komunidade, Proferssor no Estudante sira husi eskona primaria to secundario.

Aktividade ne’e realiza iha Salaun Posto Administrativo Uatu - Carbau.