Dili,10/2/2026, Workshop Validasaun Nasionál kona-bá Relatóriu Nasionál ba Dala Hitu (7NR) ba Konvensaun kona-bá Diversidade Biolójika, iha salaun JL Vila fatuhada.

Timor-Leste hanesan Parte ba Konvensaun kona-ba Diversidade Biolójika (CBD), iha obrigasaun atu submete ninia Relatóriu Nasionál ba Dala Hitu (7NR) iha fulan Fevereiru 2026. Relatóriu Nasionál ba Dala Hitu (7NR) ne’e tenke reflete progresu nasionál iha área konservasaun no uzu sustentável biodiversidade dezde submisaun Relatóriu Nasionál ba Dala Neen (2018), no mos tenke aliña ho Enkuadramentu Global v Biodiversidade (Kunming-Montreal Global Biodiversity Framework) no Estratéjia no Planu Asaun Biodiversidade Nasionál atual (NBSAP 2026 – 2030).

- Aprezenta esbosu 7NR, inklui títulu no indikadór nasionál sira.

- Valida dadus ne'ebé relata ona no resposta sira ba indikadór sira CBD nian.

- Halibur input finál sira hodi asegura ezatidaun no kompletu sira molok submete ba CBD nian iha fevereiru 2026.

7th Validasaun Nasionál kona-ba Relatóriu Nasionál ba Dala Hitu (7NR) ba Konvensaun kona-bá Diversidade Biolójika (CBD)’’ hanesan relatóriu Nasional ne’ebé tenke submete ba konvensaun Diversidade Biolójiku (CBD). Relatóriu ida ne’e hatudu oinsá halo esforsu atu proteje no halo monitorizasaun ba rekursu Biodiversidade hanesan (Ai-horis, animal, ekosistema sira) no oinsá implementa Kompromisu sira iha CBD.

Halo validasaun ne’ebé ho prosesu atu verifika, komfirma no aprova relatóriu antes submete ba CBD, prosesu ida ne’e importante tebes atu garante katak informasaun iha relatóriu: Loss no konfiante, Atual no bazeia ba dadus loos, konsistente ho politika no lei nasional no reflete situasaun real iha rai laran.