Diretora Centro Edukasaun no Informasaun Ambiental (CEIA) Sra. Elisa Luisa Santa Pereira akompana mos ho Xefe Departementu Edukasaun Ambiental, Sr. Leoneto G. dos Santos no Xefe Departemento Base de Dados Domingos do Carmo. Partisipa iha apresentasaun atividade ne’ebe mak durante tinan rua Sra. Arisa Minoru husi JICA halao Voluntario iha Ministeriu Turizmo e Ambiente Diresaun Centro Edukasaun no Informasaun Ambiental (CEIA)

Durante tinan rua atividade ne’ebe maka Sra. Arisa Minoru halao maka hamutuk ho CEIA fo sensibilizasaun ba estudante no komunidade sira iha Dili no Munisipiu Sira oinsa mak proteze no konserva ita nia ambiente no labele soe foer arbiru iha ita nia Nasaun Timor-Leste.

No Sra, Arisa Minoru mos Produz Livro ida Ho tema “Anoi no Aqua” hodi fahe ba Eskola sira atu nune’e estudante sira le’e hodi hatene soe foer iha lixu fatin ne’ebe iha no labele soe foer arbiru

Diretora CEIA mos fo agradece ba Mana Arisa ne’ebe mak durante ne’e servisu voluntario iha Ministerio Turismo e Ambiente Diresaun Centro Edukasaun no Informasaun Ambiental fo ona kontribusaun no esperiensia liu husi Japaun ne’ebe mos fo sensibilizasaun ba iha edukasaun ambiental nian, Ne’e maka husi CEIA apresia tebes ba JICA ho nia Nasaun Japaun mai Timor Leste, tamba ambiente ne’e laiha fronteira ne’e duni mai ita hamutuk proteze no konserva ita nia ambiente no ita nia nasaun Timor-Leste.

Data : 14-01-2026

Media CEIA