### Late Post

RAEOA 18 juñu 2026 Ministeriru Turismu no Ambiente (MTA), Diresaun Jeral Ambiente (DGA) liu Huasi Centru Edukasaun no Informasaun Ambiental Halao Aktividade sensibilizasaun Programa Eskola Verde ho tema “ HAMUTUK PROMOVE NO PROTEJE AMBIENTE BA FUTURU NE’EBÉ SUSTENTAVEL “ iha salaun Eskola Ensinu Sekundária Jeral Leo Beno, Postu Administrativu Oesilo, Autoridade Rejiaun Administrativa Espesial Oecusse Ambeno ( RAEOA ).

Aktividae refere hahu husi Data. 17-18 juñu 2026 no hetan partisipasaun Maximu husi Diretur Serviço regional da Edukasaun RAEOA, Sr. Vinsencio Cono, Reprezenta Diretur Serviço Regional Agua Saneamentu e Ambiente. (DSRASA) Sr. Americo C. De Carvalho, Koordenador Eslola Ensinu Sekundaria jeral Leo Beno Sr. Anacleto Atolan, Profesor/a no Estudantes Eskola Ensinu Sekundaria Jeral Leo Beno.

Iha aktividade sensibilizasaun ida ne’e Chefe Departamentu Laboratori Ambiental sr. Agusto Soares reprezenta Diretora Centru Edukasaun no Informasaun Ambiental hateten katak programa Eskola Verde ne’e rasik hahu implementa iha tinan 2016 iha Eskola Esperansa da patria Dili no implementa ona kuaze municipiu hotu iha teritori Timor Leste.

Iha fatin hanesan Diretur Serviço regional da Edukasaun Raeoa, Sr. Vinsencio Cono hato’o nia sentimento interesante tebes ho programa refere no husu ba parte hotu atu partisipa maksimu iha sensibilizasaun refere, katak atu sai Eskola verde parte profesor estudante ho inan aman sira tenke iha komitmentu hadomi ambiente, hanesan hadomi Ita nia a’an rasik. Ita mak kuda ai horis, kuida no proteze ambiente eskola.

Ojetivu husi programa ida ne’e atu transforma infomasaun ba Estudante Sira Oinsa mak atu aprende pratika proteze no kuida ita nia ambiente. iha biban ida ne’e enkoraja mos estudante sira atu nafatin intende didiak informasoens ne’ebe simu durante loron rua nia laran atu nune’e bele partilha ba familia no komunidade sira hodi bele hamutuk promove no proteze ambiente ba futuru sustentavel no futuru jerasun tuir mai bele moris ho ambiente ne"ebe diak

Sensibilizasaun programa eskola verde durante loron rua (2) studante sira simu mos materia aprezentasaun husi aprezentador kona ba jestaun lisu, Mudansa klimatika, Konrolu Poluisaun no Biodiversidade atribui mos brosuras no pamflitu ligadu ho materia aprezentasaun.

Aktividade sensibilizaun programa eskola verde ensera ho lia menon no sujetaun husi Koordenador Eskola Ensinu Sekundaria Leo Beno Sr Anacleto Atolan ba parte Minisisteriu Turismu no Ambiente ( MTA ) liu liu Ba Centru Edukasaun No Informasaun Ambiental ( CEIA ) atu nafatin suporta Eskola Ensinu Sekundaria Leo Beno ho aktividade ligadu ho programa Eskola Verde atu nune’e bele enkoraja estudante no frofesor/a sira atu bele kompete ho eskola seluk iha teritoriu Timor Leste.

MEDIA CEIA