Lautem, 3/06/2026 Ministeriu Turizmu Ambiente/Diresaun Geral Ambiente liu husi Centru Edukasaun no Informasaun Ambiental (CEIA) halao abertura ba aktividade sensibilizasaun edukasaun ambiental ba Programa Eskola Azul ho tema “ Proteje Tasi liu husi Tara Bandu ba Futuru ne’ebe Sustentavel “iha salaun eskola sekundaria jeral Nino Koni Santana Municipiu Lautem.

Abertura ba aktividade refere halao husi Segundu Komandante Polisia Municipiu Lautem “ Sr Leo Eris “ Reprezenta Prezidente Autoridade Municipiu (PAM) Lautem no hetan partisipasaun husi Diretur Edukasaun Munisipiu Lautem, Superintendente Ministerio edukasaun munisipiu lautem reprezenta koordenador jeral ambiente, profesor/a sira no mos estudantes reprezenta eskola sanulu resin lima (15 ) ne’ebe kompostu husi eskola nivel ensinu baziku ualu (8) no eskola nivel ensinu sekundaria jeral no tekniku vokasional hitu (7) iha teritoriu Minisipiu Lautem.

Iha nia diskursu, Segundu Komandante Munisipiu Lautem reprezenta prezidente Autoridade Municipiu Lautem afirma katak riku soin tasi importante mai ita ema, no bele fo aihan no moris mai Ita , maibe komunidade barak mak seidauk iha konsiensia hodi soe foer iha mota ninin, bainhira udan, foer sira mota lori ba hafoer tasi.

Objetivu husi sensibilizasaun refere maka atu espalha informasaun ba estudantes konaba koñesementu jeral Ambiente, dekreitu lei baze ambiental no mos asaun proteje no konserva ambiente.

Durante Sensibilizasaun nota katak estudante sira antusiasmu tebes buka hatene liu husi sesaun husu no hatan ne’ebe ligadu ho materia aprezentasaun.

Iha fatin Hanesan Sr. Leoneto G. dos Santos nu’udar “Chefe Departamentu Edukasaun Ambiental reprezenta Diretora Centru Edukasaun no Informasaun Ambiental" deklara katak.Aktividade sensibilizasaun ida ne’e serbisu hamutuk ho Autoridade Municipiu Lautem hodi komemora loron Mundial Ambiente 5 juñu no Oseanu, 8 juñu 2026. Ho ida ne’e Centru Edukasaun no informasaun Ambiental mai ho tipu aktividae ha'at (4) mak hanesan sensibilisisaun ba estudante nivel ensinu Sekundaria no nivel ensinu baziku, kompetisaun sertame ba eskola nivel ensinu sekundaria kompetisaun pinturas ba estudante eskola nivel ensinu baziku no ceremonia entrega premiu mak sei realiza iha 8 juñu 2026. Objetivu husi aktividade ne’e atu hafanu estudante sira bele koñese diak ambiente enjeral liu liu ba rekursu Biodiversidade tasi nian.

Media Ceia