Ministeriu Turismu no Ambiente liu husi Diresaun Geral Ambiente organiza aktividade seremonia entrega premiu habali ambiente 2025 ba kompetisaun eskola verde ba manan nain nivel nacional ne'ebe kompete iha kompetisaun eskola verde no manan nain premiu apresiasaun ba grupo sira.

Seremonia entrega premiu habali ambiente 2025, ne'e sei fahe ba eskola ne'ebe hetan ona avaliasaun no tuir kriteria ne'ebe Ministerio Turismo no Ambiente estabelese ona liu husi Diresaun Geral Ambiente.

Seremonia entrega premiu habali ambiente 2025 nu'udar apresiasaun ba esforsu tomak husi Direktor da eskola, Professor/a no estudante eskola ensinu 3 siklu sira ne'ebe eziste iha Munisipio Dili avaliasaun ne'e refere liu ba aktividade ne'ebe Direktor da eskola Professor/a inklui estudante hala'o ona durante ne'e hodi proteje no konserva ambiente iha areadores eskola hanesan kuda ai, hortikultura ou to'os eskola, jestaun lixu nu'udar parte husi aktividade extra kurukular hanesan adaptasaun no mitigasaun hodi ambiente iha eskola sai fatin ne'ebe seguru saudavel no viavel ba prosesu aprendisajem.

Iha sorin seluk. distribuisaun premiu apresiasaun ba grupo manan nain sira hanesan meiu ida hodi motiva no enkoraza grupo no komunidade sira atu bele hola inisiativa liu husi kriasaun grupo hadi hala'o aksaun no protesaun no konservasaun ambiente hodi bele garante desenvolvimentu ida sustentavel ba futuru gerasaun.

Objetivu husi entrega premiu habali ambiente ba eskola no grupo sira nu'udar dalan ida hodi motiva partisipasaun ema hotu nian husi nivel oi-oin atu bele habali ba ambiente hodi garante desenvolvimentu sustentavel iha Timor-Leste

CCD Loron Tersa-Feira, 23 de Desembro 2025